32 خبر

تاريخ النشر: 07.08.2025 | 16:15 GMT

"ولا ليه لازمة".. ساويرس يصدم مدونا بتعليقه على هدم مبنى تاريخي ويثير تفاعلا

فاجأ رجل الأعمال المصري نجيب ساويرس أحد المدونين على منصة إكس، برأيه حول هدم مبنى تاريخي في العاصمة المصرية القاهرة، وسط تعليقات واسعة بين مؤيد ومعارض لهدم المبنى.

وعبر مدونون عن معارضتهم لهدم المبنى الذي يبلغ عمره 115 عاما، وقال أحدهم: "مبنى عمره 115 سنة حايتهد عشان خاطر يوسعوا كوبري أكتوبر".

إقرأ المزيد

نجيب ساويرس يرد على إمكانية "عودة الإخوان المسلمين للحكم" في مصر

وشارك نجيب ساويرس المنشور، وعلق قائلا: "ده مبنى متهالك ولا ليه أي لازمة ومش أثري".

وواصل: "أنا قضيت بداية حياتي العملية فيه، والأسانسير كان دايما بايظ والسلالم مكسرة".

وشرعت سلطات محافظة القاهرة في هدم المبنى بالفعل، في إطار خطة لإعادة تخطيط منطقة رمسيس المزدحة وسط القاهرة.

ده مبني متهالك و لا ليه اي لازمة و مش اثرى انا قضيت بداية حياتي العملية فيه و الاسانسير كان دايما بايظ و السلالم مكسرة https://t.co/ycCdKJV1YB
— Naguib Sawiris (@NaguibSawiris) August 6, 2025

وأثارت تدوينة ساويرس تعليقات بين مؤيد ومعارض لهدم المبنى، وقال أحد المعلقين: "ياعني ماينفعش يترمم؟ المبنى دا أقدم من دول"، فيما أضافت معلقة أخرى: "طيب ما ممكن يترمم ويتجدد إيه المشكله!".

طيب ما ممكن يترمم ويتجدد إيه المشكله !
— Sophie (@NakhlaNanil) August 6, 2025

وكتب آخر مؤيدا ساويرس: "لازم رواد السوشيال ميديا يطلعوا بيفهموا أكتر من الوزير والمكاتب الاستشارية والمهندسين والمجلس الأعلى للآثار".

لأ إزاي؟ لازم رواد السوشيال ميديا يطلعوا بيفهموا أكتر من الوزير و المكاتب الاستشارية و المهندسين و المجلس الأعلى للآثار.
— ᗩᕼᘻᘿᕲ (@Splendid_0823) August 6, 2025

وقال أحد المدونين: "هيفضل المصريين متعلقين بالماضي أكتر من تعلقهم بالحاضر والمستقبل، ليه مش عارف؟ أنا ضد أننا ننسى ماضينا بس في أوقات لازم نهد أجزاء من الماضي لبناء مستقبل أوسع أسرع".

هيفضل المصريين متعلقين بالماضي اكتر من تعلقهم بالحاضر والمستقبل .. ليه مش عارف ؟ انا ضد أننا ننسى ماضينا ... بس في أوقات لازم نهد اجزاء من الماضي لبناء مستقبل أوسع اسرع
— AberSabeel (@ymwafiq) August 7, 2025

وعبر آخر عن تأييده هدم المبنى، قائلا: "مهجور من سنين طويلة مفهوش غير 3 أو 4 أفراد أمن لحراسته من الباعة في السبتية ورمسيس. (بينما) كل الموظفين في مبنى هيئة السكة الحديد".

ومهجور من سنين طويلة مفيهوش غير ٣ او ٤ أفراد أمن لحراسته من الباعة في السبتية ورمسيس. كل الموظفين في مبنى الهيئة. السكة الحديد.
— Salah Ahmad (@SalahAh17752051) August 6, 2025

وعارض آخرون بشدة هدم المبنى وقال أحد المعلقين: "في حاجه اسمها تراث وهي أشمل من أثر. وفيه حاجة اسمها الذاكرة البصرية، لا تردد حجج.. هي باريس آثار ولا تراث".

في حاجه اسمها تراث و هي اشمل من اثر. عفى على اثر من زمن في الدول المتقدمه. و في حاجه اسمها الذاكره البصريه لا تردد حجج اكاذيب و جهل الكثير هذه الايام. و علشان كده اسمها world heritage sites و ليس world monument site. هي باريس آثر و لا تراث. انما انت مطور عقاري فمفهوم.
— Reem Mansour (@Reemansour) August 7, 2025

وعبر آخر عن رفضه لفكرة الإزالة، قائلا: "مع كامل التقدير، مؤسف إن مبنى عمره 115 سنة يتوصف بـ”متهالك” و”مالوش لازمة”. في دول العالم المتحضر اللي حضرتك شفتها ما بيهدموش التاريخ، بيحافظوا عليه. العيب مش في المبنى، العيب في النظرة اللي مش شايفة قيمة التراث".

مع كامل التقدير، مؤسف إن مبنى عمره 115 سنة يتوصف بـ”متهالك” و”مالوش لازمة”. في دول العالم المتحضر اللي حضرتك شفتها ما بيهدموش التاريخ، بيحافظوا عليه. العيب مش في المبنى، العيب في النظرة اللي مش شايفة قيمة التراث.
— Ahmed Ghanem 🏹 (@ahmedghanem1975) August 7, 2025

المصدر: RT